Libros feitos polos alumn@s

Cos traballos feitos polos nen@as, no curso anterior, para o gran mural da paz “Sementa a paz”, onde expresaban (dentro dunha silueta dunha semente) o que significaba para eles a paz fixemos un libro con cartulinas.

Coas cartulinas en forma da cara de Rosalía que fixeron os nen@s (por aula) para celebrar o día de Rosalía deste curso (iniciativa Rosalía-Te) fixemos tamén un libro grapándoas todas e poñéndolle unha portada.

Utilizando os cinturóns verdes que fixemos para o día da muller traballadora realizamos outro libro para que os nen@as deste curso e dos próximos cursos poidan apreciar os traballos feitos por eles.

Fixemos un libro coas poesías do concurso de poesías celebrado o 21 de marzo.

Para o día das letras fixemos o libro de Carlos Casares A Galiña Azul, que os nenos e nenas seguen a disfrutar del na biblioteca.

Advertisements
por bibliotecadecesuras

Animación á lectura

Para animar aos nen@s a ler colgamos este mural no corcho do pasillo para que os nen@s e pais/nais o vexan. A lámina (La lectura y las bibliotecas) que está pegada é significativa porque sae nela unha biblioteca onde nos explica que é unha biblioteca…
Esta lámina está no libro Planeta Hoobs.La aventura de aprender.Hablar y escribir de Planeta (páxina 30-31).
Neste curso temos un expositor permanente na biblioteca sobre temática de medio ambiente- ecoloxía para que os nen@s busquen información para traballos feitos nas titorías.

Sobre todo de reciclaxe, enerxías renovables, efecto invernadoiro, marea negra etc.

Tamén temos o expositor de novidades.

por bibliotecadecesuras

Día do libro e Letras Galegas

Os últimos anos levamos traballando o día do libro e o día das letras galegas xuntos, intentando buscar un nexo entre os dous, por exemplo este ano fixemos un mural onde aparece a galiña azul de Carlos Casares con un fragmento do texto do libro onde Carlos nos conta como é esa galiña.
Nos libros hai moitas personaxes animais e como este ano o dedicamos ao medio ambiente decidimos facer a silueta da galiña azul e que cada nen@ debuxara dentro o seu animal de conto favorito (Bambi, Tento, Elmer…). Os nen@as tiñan que poñer tamén o seu nome e por que escolleron ese animal?

Realizamos un conto da galiña azul en tamaño cartulina para que se apreciara mellor a historia. Fixemos un resumo do conto collendo o máis interesante para que cando se lera os de infantil no se perderan e lles resultara interesante e ameno.
Os debuxos feitos polo equipo de biblioteca e coloreados polos nenos e nenas de segundo curso (ilustradores) e lérono os de sexto, fixérono tan ben que outro día dúas nenas e un neno que van moito á biblioteca na hora do recreo collérono onde estaba gardado e decidiron sen decirlles nada lelo como fixeron os de sexto.

por bibliotecadecesuras

Día da poesía

O día 21 de marzo xuntámonos tod@s na biblioteca para celebrar o día da poesía, ademáis do día da árbore, consumidor e o colofón da semana da prensa.
Entregáronse os premios as gañadoras do concurso de poesía que foron unha nena de sexto e unha de primeiro. O tema do concurso era sobre a natureza e foi moi difícil escoller as gañadoras porque estaban todas ben.
Ao final, despois de telas colgadas todas nun mural para que as visen tod@s incluídos país/nais fixemos un libro para que quede na biblioteca á vista de todos e así motivalos para que participen o curso que vén.

 

por bibliotecadecesuras

Día da árbore, consumidor e semana da poesía.

O día 21 de marzo celebramos o día da árbore, o día do consumidor e a semana da prensa. Tamén celebramos o día da poesía cuxas actividades mencionaremos máis adiante.

Fixemos unha árbore moi grande onde pegamos os recortes das noticias traballadas polos nen@s sobre o consumo durante a semana da prensa en cada unha das clases cos seus titores. Neste día cada neno leu a súa noticia e foina pegando no mural que colocamos nun lugar visible do colexio para que o vexan as nais/país e os alumn@s.

 

por bibliotecadecesuras

DÍA DA MULLER TRABALLADORA

O pasado 8 de marzo, celebramos o Día da Muller Traballadora, homenaxeando a Wangari Maathai. Fixemos un gran mural e un gran cinturón verde que pegamos por todo o corredor do cole, simbolizando o “Movemento do Cinturón Verde”

.

por bibliotecadecesuras

Entroido

Onte celebramos o Entroido no noso cole. Para ir acorde co tema da ecoloxía-medio ambiente fixemos uns disfraces moi chulos, (caracois, fresas e flores) Paseamos todos e todas polo escenario do salón de actos, os de infantil fixeron unha canción, outros bailaron…

Demos un paseo polo pobo ensinando os nosos disfraces a toda a veciñanza que saíu a vernos.

Destacar a participación pais/nais que sempre están dispostos a axudar. A auxiliar de conversa tamén participou.

 

por bibliotecadecesuras